20. mars 2012 09:14

Þrjár ævisögur sem eiga erindi við samtímann: Aðalheiður Bjarnfreðsdóttir, Kristján Sveinsson og Guðmunda Eliasdóttir

Einn daginn í heimsókn til móður innar hrifsa ég með mér að láni þrjár ævisögur. Nú hef ég lesið þær allar. Þær eru ólíkar og fjarska misjafnar að öllu leyti. En þær eru allar gagnlegar hver með sínum hætti. Gagnlegar þjóðlífsheimildir. Þetta eru ævisögur Aðalheiðar Bjarnfreðsdóttur, Kristjáns Sveinssonar og Guðmundu Elíasdóttur. 

9. mars 2012 09:56

Falleg og mikilvæg bók

Jarðlag í tímanum, Minningamyndir úr barnæsku eftir Hannes Pétursson. Útgefandi Opna. Reykjavík 2011

Jarðlag í tímanum, Minningamyndir úr barnæsku eftir Hannes Pétursson er gulls ígildi fyrir vandaðan og nákvæman lesara. Og fyrir þjóðina; hér renna saman saga skálds og saga þjóðar. Opna gefur bókina falleg út. Hún er full af myndum enda höfundurinn alinn upp við myndavél og myndauga. Faðir hans var nefnilega ljósmyndari og nýtur bókin þess. Þar eru fjölmargar myndir sem allar tengjast textanum sterkum böndum, auk þess sem bókin er orðamyndir þessa mikla skálds Hannesar Péturssonar. Mikið er þjóðin gæfusöm að hafa eignast þetta skáld og að hafa nú fengið þessa bók frá hendi hans.

29. janúar 2012 01:37

Stórmerkilegt rit

Bókin Bjarni Þorsteinsson, Eldhugi við ysta haf er stórmerkilegt rit. Veröld gefur út. Viðar Hreinsson skrifaði bókina. Hann hafði áður skrifað ævisögu Stephans G. Stephanssonar í tveimur bindum. Það er glæsilegt rit. Bókin um Bjarna Þorsteinsson styrkir þá skoðun að Viðar Hreinsson sé ekki einasta góður sagnfræðingur heldur skemmtilegur rithöfundur. Nokkrir kollegar hans, eins og Guðjón Friðriksson, hafa ráðist til atlögu við hvert stórveldið af öðru með glæsibrag: Jónas Jónsson frá Hriflu, Einar Benediktsson, Jón Sigurðsson. Með bókunum um Stephan G og Bjarna hefur Viðar Hreinsson skipað sér í þá sveit sem gerðar eru kröfur til og verða gerðar enn meiri kröfur til í framtíðinni: Um hvern skrifar hann næst? Reyndar komu fleiri bækur um einstaklinga nú á verðtíðinni eins og bók Páls Björnssonar um Jón Sigurðsson og bók Margrétar Gunnarsdóttur um Ingibjörgu. Að ekki sé minnst á stórvirkið sem er bók Jóns Yngva um Gunnar Gunnarsson. Hér var fjallað um þá bók rétt fyrir jólin; umfjöllun um Pál og Margréti koma síðar. Hér eru fáeinar línur til að þakka fyrir Bjarna Þorsteinsson.

20. desember 2011 08:50

Bók af góðum félaga og listamanni

Úr þagnarhyl, ævisaga Vilborgar Dagbjartsdóttur eftir Þorleif Hauksson. Útgefandi Mál og menning. Hönnun kápu Margrét Laxness.  Umbrot Guðmundur Þorsteinsson/ Forlagið. Letur í meginmáli Minion 11/14,5 pt. Prentsmiðjan Oddi.

Úr þagnarhyl er fróðleg og skemmtileg bók. Fróðlegast fannst mér að lesa um útskúfun vinstri manna úr opinberum störfum og menningarlífi. Vörn þeirra var Þjóðviljinn og Mál og menning. Vilborg Dagbjartsdóttir hafði kennt í fjölda ára en alltaf sem stundakennari. Endaði með því að hún skundaði á fund menntamálaráðherrans. Menntamálaráðherranir réðu nefnilega öllu um kennaraskipanir fram yfir 1990. Svo stutt er síðan einstök atriði grunnskólakerfisins voru í köldum klónum á ráðlyndum ráðherrum. 

14. desember 2011 11:22

Bókmenntir, saga og matreiðsla

DÁLÍTILL LEIÐARVÍSIRUM HELDRI MANNA ELDUNARAÐFERÐ OG GESTAKOMUR Í SAUÐLAUKSDAL eða hvernig skal sína þjóð upp reisa úr öskustó – Höfundur Sölvi Björn Sigurðsson. Útgefandi Sögur útgáfa Reykjavík 2011. Umbrot Kúper blakk 2011. Letur Plantin 11/20.

Þessu skrifi um Gestakomur í Sauðlauksdal lýkur svona:

“Bókin um kartöflu Björns í Sauðlauksdal er frumleg, skemmtileg og fyndin. Hún er allt í senn bókmenntir, saga og matreiðslubók.”

11. desember 2011 12:22

Menningarsöguleg tíðindi

Landnám –ævisaga Gunnars Gunnarssonar. Útgefandi Mál og menning Reykjavík 2011. Hönnun kápu Ragnar Helgi Ólafsson. Umbrot: Guðmundur Þorsteinsson/Forlagið. Letur á meginmáli Adobe Garamond 11,5/14 pt. Prentun Oddi.

Bók Jóns Yngva Jóhannssonar um Gunnar Gunnarsson er sannarlega þrekvirki og mikilvægur menningarsögulegur viðburður. Það þurfti að skrifa svona bók um Gunnar, heila bók sem fékkst við ekkert annað en þennan mikla risa íslenskra bókmennta. Gunnar Gunnarsson þurfti bók sem er í senn bókmenntaleg úttekt á Gunnari og ævisaga.  Sex ára starf liggur að baki þessu riti; það sést á öllum búnaði þess að það er vandað og nákvæmt. Þar er teflt saman bókmenntalegum fróðleik um leið og lífshlaup Gunnars er rakið samviskusamlega. Þegar óbókmenntafróður lesandinn er búinn að fá nóg af bókmenntafræði sprettur Gunnar fram í eigin persónu. Þannig verður bókin læsileg og skemmtileg.

7. desember 2011 11:27

Þakkir fyrir frábært kvöld

Það var fróðlegur fundur Femínistafélagsins í fyrrakvöld þar sem konur kynntu bækur sínar. Fundurinn var í Friðarhúsinu og á leiðinni inn í fundarsalinn má kynna sér Keflavíkurgöngurnar og sögur þeirra. Þarna kynntu bækur sínar þær Hildur Knútsdóttir,  Sigríður Víðis Jónsdóttir, Bryndís Björgvinsdóttir og  Guðrún Ebba Ólafsdóttir og Elín Hirst. Guðrún Hallgrímsdóttir las upp úr Rauðsokkabókinni og Anna  Schalk Sóleyjardóttir las úr bókinni Stelpur frá A til Ö. Þetta var frábært kvöld og á eftir voru umræður. Bæði upplesturinn og umræðurnar voru upplýsandi og opnandi, gagnstætt því sem oft er í öskursamskiptunum hér á landi.

Kærar þakkir fyrir þetta kvöld.

25. nóvember 2011 11:21

Vegleg bók sem mun skipa heiðurssess

Jólamatur Nönnu eftir Nönnu Rögnvaldardóttur. Útgefandi Iðunn Reyjavík 2011. Myndir Gísli Egill Hrafnsson. Hönnun AleandraBuhl/Forlagið. Umbrot Halldór Kristjánsson. Prentun Prentsmiðjan ehf/Pólland.

Guðrún Ágústsdóttir skrifar

Jólamatur Nönnu er matreiðslubókin sem mig hefur vantað lengi og ég er eflaust ekki ein um það.  Ég las bókina frá upphafi til enda, merkti við þá rétti sem mig langar að búa til nú á næstunni og bjó svo til gulrótarsúpuna á bls. 86, sem var frábær en fletti hratt yfir alla ómótstæðilegu ábætisréttina, af alveg sérstökum ástæðum. Myndir prýða bókina og þar er hægt að fá hugmyndir um hvernig bera má matinn fram. Um myndir í góðum matarbókum eru skiptar skoðanir, en líklega er nú gerð krafa um slíkt. Klassikerinn hennar Nönnu "Matarást" sem kom út 1998 og er íslenskt alfræðirit um mat og matargerð og aðgengileg á netinu er t.d. án mynda.  

Blokkalíf og herstöð í skáldsögu

Vel skrifuð bók, öguð og rökviss. Og svo skemmtileg!

Stríð við margskonar æxli

Eftir Svartan hund á Afleggjarann

Sveitastrákurinn sem lærði hagfræði og bjó með njósnara Stasi

Frábær bernskubók

„Hvað eruð þið að gera hér?”

Farandskuggar í lifandi manna landi

Hef aldrei séð hann svona góðan

Varpar upp sannri mynd

Vonandi heldur Ármann áfram að skrifa skáldsögur líka

Útlendingarnir halda uppi ferðamennskunni

Það eru listamenn sem gefa bæjunum líf

Franski spítalinn kominn á Fáskrúðsfjörð

Neskaupstaður

Mikil fjöll og mikil saga