Greinar og önnur skrif frá líðandi stundu - safn

Hver sagði þetta?

 

 

 

Spurt var um þessa tilvitnun og frá hvaða tíma hún væri:

 

  • „Fullkomin vinátta er vinátta góðra manna sem eru gæddir sömu dyggðum, því þeir óska hvor öðrum heilla af því þeir eru góðir og þeir eru góðir í sjálfum sér. Þeir sem óska vini sínum heilla sjálfs hans vegna eru mestir vinir, því þeir gera þetta eðli sínu samkvæmt en ekki tilfallandi. Þess vegna endist vináttan svo lengi sem góðleiki þeirra og dyggð endast.“
  • Hver sagði þetta og - helst - hver þýddi þennan texta á íslensku?
  • Svarið er: Þetta sagði Aristóteles í Siðfræði Níkomakkosar, 8. bók, 3. kafla, í þýðingu Svavars Hrafns Svavarssonar, bls. 155-56,  í íslensku útgáfunni. Næst réttu svari komst Sigurmar Kristján Albertsson hæstaréttarlögmaður.

En hver sagði þetta:

 "Mér rennur kalt vatn milli handa og fóta þegar ég heyri þessa vitleysu." Svar sendist á svavar.is

 

Svarið er ekki Vigdís Hauksdóttir heldur Bibba á Brávallagötunni.

 

En hver sagði:

 

:  „Í stéttaþjóðfélagi er hver maður i einhverri  stétt og sérhver hugsun ber undantekningarlaust mark einhverrar stéttar."

Svar sendist á svavar.is

Greinar og önnur skrif frá líðandi stundu

20. desember 2011 08:17

Stjórnarandstaða eignast ráðherra

Eins og kunnugt er búa Íslendingar við þingræði. Þingræði byggist á meirihluta alþingis þannig að það er yfirleitt meirihlutinn sem ræður því hverjir skipa ríkisstjórnir. Það er ekki þar með sagt að ríkisstjórnir ráði öllu; sumu ráða ríkisstjórnir alveg, eins og fjárlögum. Í fyrra gerðist það að þingmenn úr öðrum stjórnarflokknum ákváðu að greiða atkvæði á móti fjárlögunum. Töldu ýmsir það til marks um að þessir þingmenn væru á leið úr flokki sínum. Sú varð líka raunin.

 

Lesa meira
20. desember 2011 08:06

Vaclav Havel og Endurbyggingin

Vaclav Havel er látinn. Hann kom hingað til lands í opinbera heimsókn í febrúar 1990. Hann var hér sem forseti Tékkóslóvakíu en líka sem leikskáld. Leikrit mánaðarins  í  Ríkisútvarpinu var eftir hann. Það sem hét Viðtalið í leikstjórn Kristínar Jóhannesdóttur. Þessa dagana hafði verið ákveðið að loka Þjóðleikhúsinu í eitt ár vegna viðamikilla breytinga á húsinu. Þá var meðal annars ákveðið að svalir hússins yrðu ekki tvær heldur yrðu einar svalir í húsinu. Það vakti nokkra athygli en minni deilur en búast mátti við. En Havel var að koma. Síðasta frumsýningin í Þjóðleikhúsinu fyrir lokun varð Endurbyggingin eftir Havel sjálfan undir leikstjórn Brynju Benediktsdóttur. Það var í fyrsta sinn sem Havel sá  þetta leikverk sitt á sviði. Það fjallar um átök og yfirgang valdhafa.

 

Lesa meira
9. desember 2011 11:10

Mynd sem segir satt

 Kvikmyndafélagið Umbi bauð á fimmtudagskvöldið til til frumsýningar á mynd um Halldór Laxness. í Paradísarbíói. Í stuttu máli: Þetta var stórkostlegt kvöld. Sá sem gerði myndina er Halldór Þorgeirsson. .

Þetta er mynd sem allir þeir sem vilja sjá hlutina í réttu samhengi verða að sjá. Hún segir nefnilega satt:

Um myndina  segir í kynningu:

"Halldór Laxness er kominn heim eftir að tilkynnt hefur verið að hann muni hljóta Nóbelsverðlaunin árið 1955. Á hafnarbakkanum hefur Alþýðusamband Íslands og BÍL skipulagt móttöku og hafa þúsundir manns flykkst niður á höfn að hylla hann. 

Hvernig stendur á því að þessi 53 ára gamli höfundur sem skrifar á íslensku og tilheyrir örsmárri þjóð hefur fengið þessi verðlaun?

Lesa meira

Ha?